भरतपुर १२ मा रहेको ग्रीनल्याण्ड पब्लिक स्कुलमा कक्षा ११ र कक्षा १२ बिज्ञान संकायमा अध्ययन गर्ने विद्यार्थीहरुद्वारा देवघाटमा रहेको श्री रामजानकी बालिका आश्रम (कन्यागुरुकुलम्) आश्रित बालिकाहरुलाई सहयोग गरेको छ । आश्रममा एक कार्यक्रमको आयोजना गरेर स्टेशनरी लगायतका सामग्री वितरण गरिएको हो ।

ग्रीनल्याण्ड पब्लिक स्कुलकी प्राचार्य इन्दिरा कार्कीका अनुसार सामाजिक उत्तरदायित्व निर्बाह गर्ने उद्देश्य अनुरुप आश्रममा रहेका बालिकाहरुलाई सहयोग पुगोस भन्ने हेतुले सामग्री वितरण गरिएको हो । उहाँले आफ्नो संस्थाले समाजमा रहेका विभिन्न समुदाय तथा व्यक्तिहरुलाई सहयोग गर्दै आइरहेको बताउनुभयो । आश्रमलाई आवश्यक परेको खण्डमा व्यक्तिगत तथा संस्थागत रूपमा सहयोग गर्न तत्पर रहेको प्राचार्य कार्कीले बताउनुभयो ।